Hurbiltzen Plana

HURBILTZEN planaren funtzionamendua

Senidetze batzordeak:

Senidetzearen inguruan antolatuko diren egitasmoak bertako errealitateari lotuak eta denboran ahalik eta iraunkorrak izan daitezen senidetzean parte hartuko duten udaletako eta tokiko elkarte ordezkarien artean "senidetze batzordea" osatuko da. Parte hartze ahalik eta zabalena lortzeko, udaletako ordezkariez gain, kultur edo kirol taldeak baita eragile sozialak hastapenetik proiektuan integratzeko ahaleginak eginen dira.

Batzorde horiek izan beharko dute senidetzearen bizkarrezurra, egitasmoaren bideragarritasuna segurtatu beharko dutena. Anaitze batzordeak, proiektuen diseinuak finkatu, edukiak zehaztu, egitasmoak garatu eta dirulaguntza eskaerak bideratuko ditu.

Udalbiltzaren aholkularitza teknikoa :

Udalbiltzak, programan parte hartuko duten Udalei aholkularitza teknikoa ekainiko die Euskal Herriko udalekin harremanak sortzen eta errazten lagunduz baita ekimenak abian jartzeko dinamikak proposatuz, adibidez bertze udalerri bat gehitzeko proposamena luzatuz.

Bestalde, senidetzearen finantzazio plana segurtatzen laguntzeko, Udalbiltzak, lurralde, eskualde edo Europa mailan indarrean dauden deialdien inguruko informazioa bilduko du eta udalen esku utziko ditu.